[假日行山] 登港島第三高峰 俯瞰港島景色 最後一點超重要!

一連五日復活節及清明節假期開始,相信大家都心郁郁想行山,但又唔想多人,不過又要交通方便,到底去邊度好?

今次介紹既,就係位於港島既奇力山喇。奇力山又稱加列山,座落港島西面,毗鄰太平山,同時亦係繼太平山、柏架山之後既港島第三高峰,登上奇力山頂,可以飽覽廣闊而壯麗既港島景色,有圖有真相架!

從奇力山上遠眺
從奇力山上遠眺
從奇力山上遠眺
從奇力山上遠眺
仲可以見到太平山頂
俯瞰山頂凌霄閣以及港島區既高樓大廈
奇力山頂

睇完咁靚既相之後,以下4點係上奇力山要注意既野呀:

  • 交通:最簡單既方法就係係中環5號碼頭坐新巴15號,去到加列山道落車,向後行,經過一排豪宅後,有條明顯既上山車路,跟住行就係;亦可以係香港站坐小巴1號,去到明德國際醫院落車,行少一段路。
由加列山道巴士站步行上山,會經過呢度
繼續沿車路進入
去到呢度正式上山
  • 登頂需要一d基本攀爬,手腳並用,路程雖短,但仍要小心。
踏石向上爬,唔算困難,但切記小心
  • 想kill標既朋友,標高柱位於山路末端大閘既左方,斜度甚大,需要用繩輔助,但因為標高柱並非位於山頂位置,景觀唔算開揚,算唔上好值得到此一遊。

  • 相信睇到呢度,再加上如果你有睇其他網媒、KOL既介紹,應該覺得奇力山都係好易行既姐。Update返大家,過左最後一棟豪宅,本身有棟建築物,有道閘,左邊有小路比你繞過道閘直上奇力山,不過而家已經加左有鐵勾既網,沿路都有加,事實上要上山,只能夠爆林上去,而爆出黎既路既無繩,亦甚少粗樹桿比大家扶住,而且斜度甚高,土質相當鬆散,大石亦抓唔住地,危險度甚高,加上近日天氣炎熱,短短幾十米路程已經令人疲憊不堪,在此亦唔建議大家冒險前往,睇左d靚相當去過就可以。如果堅持要去,請務必要有充足行山經驗、飲用水、手袖、手襪等等既準備,否則受傷、中暑,無人幫到手。再一次重申,行山唔係搏命,坊間網媒/KOL經常講到d山幾易行,唔理你地有冇中過伏,而家我就將伏位講出黎,行定唔行,相信大家能夠判斷到。
舊有小路已加上鐵勾圓網,不能通過
附近沿路均裝上圍網
爆林路段孩要,路不清晰,不建議夾硬行

延伸閱讀:

《奇力山 x 西高山》 香港好去處 (注意: 此文章刊登時小路未封)

https://www.getreadyhk.com/leisure-and-fun/hong-kong-outdoor-activity/outing-spot/item/2880-mount-kellett

《【港島行山路線】探港島第三高峰奇力山 沿山頂盧吉道看維港美景》 香港01 (注意: 此文章刊登時小路未封)

https://www.hk01.com/%E5%8D%B3%E6%99%82%E9%AB%94%E8%82%B2/287105/%E6%B8%AF%E5%B3%B6%E8%A1%8C%E5%B1%B1%E8%B7%AF%E7%B7%9A-%E6%8E%A2%E6%B8%AF%E5%B3%B6%E7%AC%AC%E4%B8%89%E9%AB%98%E5%B3%B0%E5%A5%87%E5%8A%9B%E5%B1%B1-%E6%B2%BF%E5%B1%B1%E9%A0%82%E7%9B%A7%E5%90%89%E9%81%93%E7%9C%8B%E7%B6%AD%E6%B8%AF%E7%BE%8E%E6%99%AF