[新春行山] 粉嶺隱世山徑 風景靚 零難度 新春避世之選 附打卡熱點 交通攻略

長度: 約3km (來回)
時間: 1.5小時
難度: 0/5

牛年伊始,大家都想疫情盡快結束。不過一連四日長假期,疫情之下冇得拜年,留係屋企怕悶,出街又見大部分商鋪初五先至啟市,不如行個山轉個運,令身心健康,咁日後先可以安心出行架麻。

若果大家怕新春期間各條主要山徑人潮絡繹不絕,其實就係粉嶺區接近心臟地帶,就已經有一條隱世山徑,過年都無乜人行,但景色超靚,難度又低,確實係老少咸宜既避世避疫之選。

山徑全程都係石屎路,斜度不太高,山腳有洗手間,一路直上,去到山坳既十字路口,選擇右邊既路一直上,路既兩旁都種植左唔少顏色鮮豔既植物,尤其是最近回暖,更加可以見到火紅既木綿樹,大家去到可以影多張相啊!如果行到攰想休息,其實沿路都有涼亭供遊人休憩,每個涼亭各具建築特色,絕對值得大家低打卡。

回程建議大家選擇原路落山,山腳沿途亦有售賣汽水飲料、風車、鮮花等等,即使今年行花市未夠盡興,係呢度都可以彌補返行花市買唔到既野空虛架。

交通:
九巴70K、73、73A、270A、270B、273、273A、273D、277X、278X或978線於華明總站落車,向後行行經過天橋即可到達

落天橋後從呢邊上山
沿路既休憩處同周圍既大樹拼湊一幅美麗既風景畫
沿途既涼亭同周圍既大樹拼湊一幅美麗既風景畫
上左四分三既山路,呢個休憩處既景色絕對需要影相打卡
芒草並非只有大東山獨享,呢條隱世山徑一樣有
四周既植物色彩鮮艷,係陽光照射下散發住春天既氣息
呢棵以黃葉為主既參天大樹大家一定不能錯過
山徑指示牌十分清晰,無需擔心迷路
落山既時候可以係山腳買返支鮮花,隨時新鮮過年宵花市
攤檔亦有風車等物品售賣,係少有能夠買戰利品返去既山徑

[帶團經歷] 台中、清境、日月潭 – 進擊之綿羊

台灣,可謂全職領隊最不想帶的團,天數少、自費少、購物分得少,所以基本上帶台灣團,純粹當做放假。我比較喜歡大自然的優美景色,放假的話,能夠選擇的話都會選擇郊外,避開市區重重的人群,以台灣北、中、南部的旅行團而言,我還是比較喜歡台中的行程。

Continue reading [帶團經歷] 台中、清境、日月潭 – 進擊之綿羊

[帶團經歷] Come on James!! 九寨溝何來失禮?

陶傑筆下的那個港女,看不起自己那個堅持去九寨溝,不去歐洲的那個男朋友,九寨溝很失禮嗎? 九寨溝一點也不失禮!

走過成都的熊貓基地,很快便坐飛機到九寨黃龍機場,或簡稱九黃機場,又或稱「十次起飛九次枉」,無論是Arrival還是Departure,delay幾小時算是走運,慘些的,是差不多landing之時被打回頭,我也算是幸運,去程準時,回程早到。不得不提的是,中國空氣污染嚴重人所惜知,四川成都的煙霞相當厲害,當身處客機之中,向外眺望,一層啡黃的污染物頓時在下方,畢竟到了高山,都市的污染和煩囂都被連綿的山脈分隔開了。

Continue reading [帶團經歷] Come on James!! 九寨溝何來失禮?