給十年後的你們

「光陰似箭,日月如梭」,在畢業禮或者謝師宴裡,這兩句話,聽過了無數次,但事實卻是如此,由當年自己會考放榜到現在,轉眼間已是十年光陰。

 

十年過去,起初以為考完了試,是一個結束,但放榜後,又是一個開始,進了大學,Final Year讀完,畢業證書都拿了,又以為是個結束,不,社會大學才剛剛開課而已,哪怕離開一下香港去參加什麼Working Holiday,開始、結束,再開始,然後又結束,週而復始,十年之間都不知經歷多少個起點終點。若果你看到這裡已被我搞得一頭霧水,恭喜你,你的人生還未有遇上太多的現實,有些事情不經歷過,怎樣說你也不會明白。

 

曾經我也認為成績就是一切,無他,求學時期,興趣不多,讀書幾乎是唯一可以做的事情,然後到了社會卻會發現,成績好的人腦袋未必好,有腦袋的人成績未必差,而有腦袋的人亦未必會把腦袋帶回公司。再者,你以為你考了個BBA(工商管理),一畢業出來就做個管理奇才?除非真的是無比的聰明,還有比常人更勤力,不然從低做起,你會發現,你學過的東西好像都沒有用,而找工作,學歷又好像沒很大幫助。

可能今日放榜的你,會為自己的成績喜出望外,又或者悲極飲泣,但可以告訴你的是,十年後的你們,回頭再看今天一張沙紙,你將會一笑置之。你曾經驕傲的,不再令你擁有優越感;你曾擔憂的,其實你已找到另一條出路。

請謹記,你們的人生是屬於自己的,找個屬於自己的舞台吧,能讀上去當然最好,讀不來的,或者真的很沒有興趣的話,別浪費青春,我們每人每日只有24小時,青春就只剩這十年八載,勉強讀上去,沒錯是可以逃避投身社會的壓力,但是,你可能會離你原來的方向更遠,或者到了一天,你不讀上去你會有點東西做不來,那時才考慮再讀吧,至少,這樣讀上去,會更有動力。

salt fish

 

給青春的最後一本冒險日記

27歲,大部分人已經有份穩定既工作;或者,從未曾止息既跳槽狂潮之中,撈到唔少油水,薪金,已經傲視同儕;又或者,人工未必好標青,但從事業上建立既人脈,背後既價值,高過好多人想買嗰層樓,成層計喎。

 

踏入呢個年紀,同朋友們茶餘飯後既既話題,係幾年間,不外乎「轉左邊份工」同「見你去左邊度邊度旅行喎」又或者「唉今日新聞又乜乜乜」呢D慣性既Topic,反而,漸漸聽唔到,「你想做D乜?」、「你有咩夢想/理想?」

 

漸漸踏入人生既黃金十年,應該係事業衝刺之時,「再唔搏就老喇」──相反,我選擇左離開工作。

salt fish

我選擇左唔做咸魚!

 

 

上一次離開工作,係為了一個夢,去澳洲既夢,然後呢個夢係一場幾乎令我不堪回首既惡夢,差D就令我唔敢再追尋自己既理想,我從此害怕一個人旅行,甚至一個人行山。

 

幸好既係,係音樂路上我絕非一個人行,而我亦慢慢體驗到,有份Full Time,再搞埋音樂,必須要犧牲睡眠,但訓得少,又會令工作同創作既質素下降,加上工作壓力突然猛升,令到受控左好耐既焦慮症再次復發,迫不得己,都係放下工作,唔知自己既積蓄捱到幾耐,加上我搞音樂唔係兒戲地作完就算,仲有好多後製,例如去Studio錄音、拍MV,碌盡友情卡,始終有好多野要錢先可以解決,頂到幾耐,我唔知,但要頂。

 

無盡

如果有日我既歌可以上到紅館,無憾啦!

 

或者會有一日呢個理想會令我驚,令我更想返去工作,但,無悔,因為,「再唔追夢,就真係老喇!」