填詞技巧 – 進階版0243 (中)

進階版0243 (中):斷句的重要性

0243 練習

上一篇  進階版0243 (上) 最後比左一d練習大家做,借以鞏固對0243既基礎。唔知大家做左未呢? 好,對答案先!

《六月飛霜》 Chorus 1

(D Major)

F#’ F#’ A’ A’  D D E F#’ F#’ E
六月飛霜   個個笑得哀傷  (2-2-3-3   4-4-4-3-3-4)

B C# D C# B A D B     B B A A A F# B
誰又會鑑定誰正常   不知替哪個著想  (0-2-4-4-2-0-4-0   3-3-4-4-4-2-3)

B A B D    F#’ F#’ A’ A’    D D F#’ F#’ E
欲求未滿   剩下砒霜     當菜汁分享  (2-0-2-4   2-2-3-3   4-4-3-3-3)

D D A’ A’ A’ D C# B   B D E D E D E F#’ D B
猶如吞仙丹上月亮  誰有膽設想這世間下場  (0-0-3-3-3-4-2-0   0-4-3-4-3-4-4-3-2-0)

**註: F#’比F#高8度,A’比A高8度

本身對0-2-4-3唔係咁熟悉既朋友,標埋個音高,係咪會容易左? 拿,對我自己而言就無分別既,我識得寫詞岩音既時候係對樂理零知識,不過對我無用既野唔代表對所有人都無用既。

首先重申一點,因為《六月飛霜》段Chorus係D Major,所以so-fa name同ABCDE呢d係一致既,即係:

do

re mi fa so la ti do’
D E F# G A B C#

D’

最初一句係「六月飛霜」,即係mi-mi-so-so或者F#-F#-A-A,唱F#呢個音既時候,不妨試下,唱出「零」、「二」、「四」、「三」各一次,聽下會變成咩音:

零 — 令;二 — 二;四 — ?? ;三 — ??

「零」肯定唔岩音,「四」同「三」唱出黎根本唔知咩語言黎既,唯一得「二」係岩音,不過,係咪F#去A就必定係2去3?又唔一定。以第一個音係F#為例,配以下既音會係:

F# – A F# – B F# – C# F# – D F# – E F# – F# F# – G F# – A F# – B F# – C# F# – D’
3 – 0 3 – 0 3 – 2 3 – 4 3 – 4 / 2 – 4 2 – 3 2 – 3 2 – 3 2 – 3

好清楚,大家可以見到,F# 呢個音唔一定係2黎既,亦可以係3,當佢用黎同其他音比較既時候,就會出現唔同。你會發現,向下走既時候F#就係3,向上走就係2,但事實上又係咪真係咁呢?

0243 Flow

學0243本身係係一條捷徑黎,但好可惜要掌握呢樣野係無捷徑,即係唔會固定咩case之下咩音係邊個數字,就算有,都會好多個case連好多exception,我都仲未開始講半音,你有心背,不過拎多幾隻歌黎試,搵到個感覺仲好。不過,無Rules你記唔代表無concept要識,最緊要既係,你呢個所謂「基準音」其實一D都唔基準,因為佢會隨尾音跟住d咩音而變化,F#升A係2上3,但F#升下一個8度,就係0去3,因為音程大,唯有擘大佢。

好喇,去到下一句你一定會問,「誰又會鑑定誰正常」點解D又係4,E又係4呢,答返你,上面個表其實都有答你,只不過你唔會搵第5粒音做基準點,但你清楚知道,第1個音係最低音,呢個情況下通常唔會係3,所以可以放心試0、2、4,但記住,單一個D係無特定既數值,無左後面既E同F#,你都唔會知佢係4,甚至,用2都一樣岩音。

斷句既技巧

鄘俊宇鐘意一裡面都加幾個逗號,真係可惜佢唔寫詞,唔係既話佢寫出黎既歌詞真係斷句運用既最佳演釋。

講斷句之前要講分句,分句我諗大家都明,文章上我地通常會用逗號去分開兩個句子,從文學上句與句之間係相連既,但係,係0243呢個概念入面,分左句,就即係可以Reset,就用返頭先既例子:

F#’ F#’ A’ A’  D D E F#’ F#’ E
六月飛霜   個個笑得哀傷  (2-2-3-3   4-4-4-3-3-4)

同一個F#,前句係2,後句係3,其實已經係Reset左,咁但係斷句又點解關事呢? 一齊睇下呢一句:

B C# D C# B A D B    
誰又會鑑定誰正常   (0-2-4-4-2-0-4-0)

同一句入面,第一個C#係2,第二個C#係4,喂,佢家下黃色衫,又變左著綠色衫咩? 其實係既,不如睇睇林夕寫呢句既時候點「肢解」呢8個音:

誰又會 // 鑑定 // 誰正常

係呢度,用0243既時候,不妨將「誰又會」、「鑑定」、「誰正常」當成3個不同既分句,但因為作曲同編曲將呢8個音定義左為同一句,所以我地將「句同分句」講成「斷句」。記住,斷句同分句,係0243既運用上係一樣既效果。

係呢句裡面,誰又會 = 0 – 2 – 4,鑑定 = 4 – 2,誰正常 = 0 – 4 – 0,所以,同樣既係C#,「又」同「鑑」處於不同既「分句」當中,而佢地既「對手」唔同,係比較之下,因為「鑑」字係「小分句」之中係最高音既一個,所以用4呢個值,而「又」字因為有個比佢更高音既字出現係「小分句」之中,所以用2。

Tricky之處係,斷句無特定既標準。林夕將「誰又會鑑定誰正常」斬開三份,令呢句變成XXX//XX//XXX既結構,咁仲有冇其他分法呢?

誰又會鑑 // 定誰正常

撇除詞意,如果用左呢個結構,整句既值就會變成 0-2-4-2 // 2-0-4-0,今次兩個C#都落係同一個數值上,就係因為兩個C#因為斷句既關係而落入同一個「小分句」當中,咁固然係同返同一個數值啦。

係實際應用上,作為詞人,利用斷句去將一句句子切開成幾份,真正意思並唔係要為左就個音,而係就個Phrase。想像下,如果句「誰又會鑑定誰正常」,我諗到既係用四字成語黎入,我仲點可能用林夕既斷句? 總之就係,一個「小分句」可以有完整既一個Phrase、兩個、三個、幾多都得,但重點係要完整,假如你斷句係XXXX//XXXX但實際上寫既Phrase係XXX//XX//XXX,咁咪同佢一樣囉:

兒子生性病母倍感欣慰

 

延伸閱讀:

填詞技巧 – 進階版0243 (下)

 

其他填詞技巧:

填詞技巧 – 書面語VS口語

填詞技巧 – 使用入聲字的技巧

填詞技巧 – 韻腳的通押

填詞技巧 – 用韻的選擇

填詞技巧 – 淺談0243 (上)

填詞技巧 – 神作是如何煉成的? 惡搞歌大解構 (上)

廣告

對「填詞技巧 – 進階版0243 (中)」的一則回應

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s